BAS KUCH KAHA HAI
Hum chale the saath sabke,
Apni kismet apne haath leke
Phir kuch hua aisa ke kismet hamari chala bin raftar ke,
Aur hum chal na paye auroon ki raftaar se
Jahan hum ruke rahe apni kismet main jaan bharne ko,
Auroon ke kadam badhe poore karne apne khwahisoon ko
Is kasmakas main samay beeta, zindagi badli,
Par hum ruke rahe zindagi bin suljhi
In uljhanoon main apne sapne khote rahe,
Par auroon ki zindagi main rang sajte rahe
Phir khayal aaya kyoun aur kab tak ladain apni kismet se,
Jab zindagi baan sakti hai bin kismatoon se
Ye soch chood diya humne apni kismet ko uske haal par,
Aur chale aage, bin kismet, apni nayi rah par
Chalte- 2 humne paya sapne apne dhundle pad chuke the,
Kuch the baki, baki sab kho chuke the
Jo baki the unme bhi na bachi thi zindagi, na hi thi koi umaang,
Jaise chahete hi na ho chalna hamare saang
Ye dekh humne apne sapne hi badal diye,
Jo the bin zindagi ke, unhe naye sapnoo se badal diye
Ab safar bhi naya tha, rah aur sapne bhi,
Aur hum chale,sochkar chal sakte hain hum akele bhi
Is akele safar main humne dekhe bhi kai anokhe raang,
Aur kiya zindagi ko rangeen bhi, jo pade the kab se berang
Sochne ko hum akele the,
Par kya hua, dastoor main phool hamare abhi hi khile the
Chalte-2 ab sochte hain, kaise hum ruk kar apne se hi ladte rahe,
Jab baar-2 ladke bhi khudse haarte rahe
Par is haar-jeet ne sikhaya bhi hamain zindagi ke naye andaaz,
Jo ab aa rahe hain kaam, jab nahin hai hamare koi saath
Saath ki baat karain toh, ye kahe sakte hain,
Zindagi main parchai bhi chood jati hai, auroon main kya dum
Phir bhi jab tak saath de koi,
Chalna chahiye saang, kyounki nahin janta koi, kab badal de zindagi apna raang
Rahoon main ab main unse bhi milta hoon,
Jo chood aaye the mujhe safar ke bhanwar main akela
Aur dekhta hoon unhe,
Phanse usi bhanwar main, usi haal main jo tha kabhi mera
Ye dekhkar ek aawaz aati hai, kyoun karain afsoos ya gum
Jab hum ekele nahin, jiski kismet na raha uske saang
Par hum jante hain ye bhi uthenge gir-2 phir sambhlenge,
Kuch apni kismet liye kuch bin kismet chalenge
Ab gum se jayda sukoon mehsus hota hai,
Doosroon se jayda khud pe yakeen hota hai
Sukoon is baat ka ke hum phir hain safar main,
Aur hain aage bhi, kitnoon se, jo the kabhi humse door miloon main
Ab fikr nahin hume ke kabhi sajegi kismet hamari phir se,
Kyounki lagta hai hum hain aur bhi sakth bin kismet ke
Lagta hai aur bhi acha jab sunte hain auroon ke sapne poore hone ki khusi,,
Sach jankar ke hum bhi hain sapne aur uske poore hone ke manzil par sahi
Safar ab chalega, har khwahisoon ke poore hone par khilega,
Poore khwahisoon par armaan bhi chadenge, jo phool the baki woh bhi khilenge
Kahain toh ye kisi ek ka safar ho sakta ha,
Par padhe koi apna sochkar toh puri zindagi samaj sakta hai
Ab bas baantne ko itna hi hai,
Sach kahain toh safar ab aage bhi hai
Chalo, tum bhi chalo hum bhi chalain,
Safar hai lamba khwahisain hain kai
Rakhna har kadam aise ke har kadam manzilon par padain
Aur tamanna toote bhi kabhi,toh yaad rakhna sapnoo ki aadat hai sahi.
- AMIR PATEL
No comments:
Post a Comment